مشكلة تم حلها بالصور والفيديو اللي حاب يستفيد يدخل حياه الله

25 2

لايمكنك التصويت حتى الحصول على 20 نقطة على الأقل
إضغط هنا للإخفاء

شاقح بن مشقوح الشقيحاني 22707
قبل 11 سنه و 6 شهر

السلام عليكم ورحمة الله وبركاته :


حاب أفيدكم اليوم عن مشكلة خلتني أشك فبعض المشاكل اللي يشتكون منها أصحاب الفورد ( خراب أزرار فتح وقفل الأبواب )


خرب علي قفل الشنطة وصار يطلع صوت عند الفتح وأي صوت ؟ صوت جااااامد والناس تسمع الصوت ووش الهرجه ويناظرون فالسياره


قلت خلني أفتح القفل وأشتغل فيه وأشوف وش مشكلته


والسبب كان إنه السلك اللي يسحب القفل ويخليه يفتح ينقز من مكانه نتيجة قوة السحب يعني المشكلة في تصميم طريقة تثبيت السلك اللي يسحب القفل ويخليه يفتح


طريقة تثبيته ضعيفه مره وراح أوريك الصور والفيديو عشان توضح أكثر والان عندي الأبواب الأماميه أوقات ماتقفل الا بعد محاولتين وراح أفك الأبواب وأشوف وش المشكله وبنزل عنها تقرير بس لازم اتفضى لها وقت عشان اخذ راحتي شغلتها طويله شوي


لذلك اتوقع مشكلة عدم فتح اقفال الأبواب وإغلاقها سهله مثل مشكلة قفل الشنطه طلع السلك ينقز من مكانه ورجعت ثبته بس


المقطع الاول فيه المشكله قبل حلها والمقطع الثاني بعد حل المشكله والمقطع الثالث يوضح كيف السلك ينفك من مكانه بسرعه والمقطع الرابع هديه لكم هههههه


http://www.youtube.com/watch?v=RIeAy216Vg8


http://www.youtube.com/watch?v=8hWoXNmbjuU


http://www.youtube.com/watch?v=H0nSctmBrhY


http://www.youtube.com/watch?v=-lZIom_yErk

إبلاغ

الردود